/नेता अधिकारीलाई सम्झँदै टनेल स्प्रे सन्चालनमा

नेता अधिकारीलाई सम्झँदै टनेल स्प्रे सन्चालनमा

कुमार गुरुङ

सन् १९६९ मा आजैका दिन जन्मेका दिवंगत नेता रविन्द्र अधिकारीको स्मृतिमा पोखराको छोरेपाटनमा स्प्रे टनेल निर्माण गरिएको छ ।

ज्यानमारा भाइरस कोरोनाको संक्रमणबाट बच्न रविन्द्र अधिकारी स्मृति प्रतिष्ठानले उक्त टनेल निर्माण गरेको हो । टनेलको उद्घाटन गर्दै प्रदेश माननीय कृष्ण थापाले टनेल संक्रमण रोक्न प्रभावकारी हुने बताए । उनका अनुसार उक्त टनेल केही समयपछि पोखरा महानरपालिकालाई हस्तान्तरण गरिनेछ ।

दिवंगत नेता अधिकारीका धर्मपत्नी विद्या भट्टराइले विविध कार्यक्रम गरी स्मृतिसभा मनाउने योजना रहेपनि कोरोना संक्रमणका कारण टनेल निर्माण गरेकोे जनाइन् । आफु जिल्लामै व्यस्त भएको भताउँदै उनले कोरोना संक्रमणबाट बच्न सचेत रहन र लकडाउनको नियम पालना गर्न आग्रह गरिन् ।

उद्घाटनक्रममा महानगरका मेयर मानबहादुर जिसी, कास्की प्रहरी प्रमुख दानबहादु्र कार्कीलगायतको उपस्थिति थियो । टनेलको निर्माण विनडोर युपिभिसीले गरेको हो । उक्त कम्पनीेले यसअघि निर्माण गरेको टनेल पश्चिमाञ्चल क्षेत्रीय अस्पतालमा राखिएको छ ।

नेता अधिकारी पर्यटनमन्त्री रहेकाबेला फेब्रुुअरी २७, २०१९ मा ताप्लेजुङमा हेलिकप्टरमा दुर्घटनामा परी निधन भएको थियो ।

 

तस्बिरहरुः