/कोरोना संक्रमित मृतकको शव व्यवस्थापन गर्ने २ सैनिक संक्रमित

कोरोना संक्रमित मृतकको शव व्यवस्थापन गर्ने २ सैनिक संक्रमित

पाल्पाः कोरोना संक्रमण बाट मृत्यु भएका व्यक्तिको शव व्यवस्थापनमा खटिएका २ सुरक्षाकर्मीमा कोरोना संक्रमण देखिएको छ ।

पाल्पा पूर्वखोला गाउँपालिका सिलुवाका कोरोना सङक्रमणबाट मुत्यु भएका व्यक्तिको शव व्यवस्थापनमा खटिएका सुरक्षाकर्मी रहेको जिल्ला स्वास्थ्य कार्यालयले पाल्पाले जनाएको छ ।

स्वास्थ्य कार्यालय पाल्पाका सूचना अधिकारी ओम प्रकाश पन्थीका अनुसार शव व्यवस्थापन गर्ने कार्यमा खटिएका नेपाली सेनाका २ व्यक्ति रहेका छन । संक्रमण देखिएका ३३ र ३४ वर्षका व्यक्ति हुन् ।

पन्थीका अनुसार सुरक्षित रुपमा नै शव व्यवस्थापन भैरहेको समयमा ठुलो पानी परिकाले कतै र्‍याल चुहिएको कारण संक्रमण भएको हुनसक्छ । उनीहरुको स्वास्थ्य कार्यालयले स्वाव संकलन गरेर परिक्षणका लागि पठाएको थियो ।

शव व्यवस्थापन भएदेखि नै उनीहरुलाई आइशोलेशनमा राखिएकोले समुदाय सुरक्षित रहेको हुँदा चिन्ता लिनु नपर्ने सुचना अधिकारी पन्थीले बताए ।

स्वास्थ्य तथा जनसंख्या मन्त्रालयले बनाएको शव व्यवस्थापन कार्यविधि अनुसार मुत्यु भएका व्यक्तिको शव व्यवस्थापन गरिएको थियो । संक्रमीत व्यक्तिको मृत्यु भएपछि २ दिनपछि नेपाली सेनाले शव व्यवस्थापन गरेको थियो । उनीहरु दुवै जनाको स्वास्थ्य अवस्था सामान्य रहेको छ ।