/गण्डकी प्रदेशसभाको विशेष अधिवेशन आज

गण्डकी प्रदेशसभाको विशेष अधिवेशन आज

पुष २१, गण्डकी प्रदेशसभाको विशेष अधिवेशन आज मंगलबार  सुरु हुनेभएको छ  । 

प्रमुख प्रतिपक्षी दलहरुको  मागपछि गण्डकी प्रदेशको विशेष अधिवेशन बोलाइएको हो ।

पहिलोपटक आह्वान गरिएको विशेष अधिवेशनमा जनसरोकारका विषयमा छलफल हुने अनुमान गरिएको छ ।

संविधानको धारा १८३ को उपधारा ३ मा प्रदेशसभाको अधिवेशन  नभएको अवस्थामा प्रदेशसभाको सम्पूर्ण सदस्य संख्याको एकचौथाइ सदस्यले लिखित अनुरोध गरेमा विशेष अधिवेशन बोलाउनुपर्ने व्यवस्था रहेको  छ ।

सोही व्यवस्थामा टेकेर नेपाली कांग्रेसका १५ र जसपाका दुई सांसदले विशेष अधिवेशन माग गरेका थिए ।

विशेष अधिवेशनको बैठक दिउँसो १ बजे पोखरा सभागृहमा बस्ने छ ।