/नेपालको गौरवमाथि नै भारतीय मिडियाको गिद्दे दृष्टि

नेपालको गौरवमाथि नै भारतीय मिडियाको गिद्दे दृष्टि

डिआर काफ्ले,

पौष २९, अहिले  प्रधानमन्त्री केपी शर्मा ओलीले भारतीय टिभी च्यानल जी न्युजका दुई टिभी जी न्युज र डब्लूआइओएनलाई दिएको अन्तर्वार्ता  चर्चामा आएको छ ।  एउटै मिडियाबाट सन्चालित यी दुवै टिभी कार्यक्रममा प्रधानमन्त्री ओलीले केही दिनअघि मात्र अन्तर्वार्ता दिएका थिए ।

अन्तर्वार्तामा  प्रधानमन्त्री केपी शर्मा ओलीले लिपुलेक र लिम्पियाधूरा नेपालको भएको, भारतीय प्रधानमन्त्री र आफू समकक्षी भएको बताएका थिए  ।

तर, प्रधानमन्त्री ओलीको अन्तर्वार्ता प्रशारण भएको एक दिन पछि  सोहि टिभी च्यानल जी न्यूजमा नेपालीका लागि निकै आपत्तिजनक सामाग्री  प्रसारण भएको छ ।

काला पत्थरबाट तयार पारिएको यो रिपोर्टमा जी न्यूजका प्रधानसम्पादक सुधीर चौधरीले प्रष्टसँग भनेका छन्– सगरमाथाको नाम किन भारतीय नाम नराखिएको ? थप उनले भनेका छन, अब सगरमाथाको नाम फेर्नका लागि भारतमा एउटा अभियान चलाइयोस् । 

भारतमै पनि बारम्बार विवादमा आउने र पछिल्लो समय प्रधानमन्त्री नरेन्द्र मोदीको काखको भएकाले गोदी मिडिया भनेर चिनिने जी न्यूज र चौधरीले यसपटक सबैभन्दा पहिले बालुवाटारको स्वागत लिएर नेपालको गौरवमाथि नै गिद्दे दृष्टि देखाएका छन् । 

मंगलबार साँझ र बुधबार विहान जी न्यूजमा प्रसारण गरेको टिभी कार्यक्रममा भनेका छन्, ‘एभरेस्टको नाम माउन्ट सिकदर किन नराखिएको ?’ चौधरी  र जी न्यूजले यसअघि पनि बारम्बार लिपुलेक र लिम्पियाधूरा भारतकै भएको दाबि गरेको थियो भने  नेपाली प्रधानमन्त्री केपी शर्मा ओली चिनियाँ राजदूत होउ यान्छीसँगको प्रेममा परेको जस्ता कपोकल्पित र घिर्णित समाचारहरु प्रशारण गरेको थियो ।

बालुवाटारमा रेड कार्पेटमा न्यानो स्वागत पाएपछि   सुरुमा लरक्क पारेर पछी इज्जत र गौरव माथिनै गिद्दे नजर लगाउने  भारतीय यो मिडियाको बिरुद्द एक्बद्द भएर नेपाल प्रति राख्दै आएका गिद्दे दृष्टि को भण्डाफोर गर्नु आवस्यक देखिन्छ ।