/मनाङमा लागेकाे आगाे अझै नियन्त्रणमा आउन सकेन,तीन वडाका बस्ती जोखिममा

मनाङमा लागेकाे आगाे अझै नियन्त्रणमा आउन सकेन,तीन वडाका बस्ती जोखिममा

मनाङको ताचैमा लागेको आगो दुई दिनदेखि लगातार प्रयास गर्दा पनि नियन्त्रणमा आउन सकेको छैन ।दिनभर जसो  यहाँका स्थानीय आगो निभाउन लागि पर्दा समेत आगो नियन्त्रणमा आउन नसकेको हो  ।

जिल्लामा उपलब्ध सबै स्रोतसाधनको प्रयोग भैसक्दा पनि  आगो नियन्त्रणमा आउन नसकेको नासो गाउँपालिका–८ ताचैका वडाध्यक्ष हुपजङ्ग गुरुङले बताउनुभयो  । डाँडाकाँडाको बीचमा रहेको बस्ती ताचै मा  ६३ घरधुरी रहेका  छन् । 

आगोले एक्याप क्षेत्रको दुई हजार हेक्टर जङ्गल सकाइसकेको  छ । 

स्याउला र धारोकाे पानी पाइपमा जोडेर आगो निभाउने प्रयास भैरहे पनि   हावाहुरी चलिरहेकाले आगो झनै  फैलिरहेको नासो गाउँपालिकाका अध्यक्ष चन्द्र घलेले बताउनुभयो  ।

 आगो नियन्त्रणमा लिन नसके बस्तीमा फैलिने डर भएकाले सम्बन्धित निकायले यसमा गम्भीर भएर भएर पहल गर्नुपर्ने देखिन्छ ।