/भारतका विभिन्न राज्यमा देखा परेको बर्ड फ्लू नेपालमा पनि

भारतका विभिन्न राज्यमा देखा परेको बर्ड फ्लू नेपालमा पनि

भारतका विभिन्न राज्यमा देखा परेको बर्ड फ्लू नेपालमा पनि भित्रिएको छ। काठमाडौंको तारकेश्वर नगरपालिका- ७ साङ्ले खोला फुटुङमा घरपालुवा पंक्षिहरुमा बर्ड फ्लू रोग पुष्टि भएको छ ।  

स्थानीय कृषकहरुले पालेका टर्की र हाँसको नमुना केन्द्रीय पशुपन्छी रोग अन्वेषण प्रयोगशालामा रियल टाइम पिसिआर विधिबाट परीक्षण गर्दा बर्ड फ्लू रोग पुष्टि भएको कृषि तथा पशुपन्छी विकास मन्त्रालयले जनाएको हो।

रोग फैलिन नदिनका लागि संघ, प्रदेश तथा स्थानीय तहका पशु सेवासँग सम्बन्धित निकायलाई परिचालन गरी रोग देखिएको क्षेत्रमा रहेका सम्पूर्ण घरपालुवा पन्छी तथा रोग सार्न सक्ने अन्य वस्तु नष्ट गरिएको मन्त्रालयले बताएको छ  ।

मन्त्रालयले जारि गरेको  विज्ञप्ति अनुसार  १८ सय ६५ वटा हाँस, ६ सय २२ बट्टा, ३२ वटा कुखुरा, २५ वटा टर्की, ५ सय ४२ थान अण्डा र ७५ केजी दाना नष्ट गरिएको गरिएको छ ।