/पहाडी क्षेत्रका केही ठाउँमा आज पानी पर्ने, उच्च पहाडी र हिमाली जिल्लामा हिमपात हुने सम्भावाना

पहाडी क्षेत्रका केही ठाउँमा आज पानी पर्ने, उच्च पहाडी र हिमाली जिल्लामा हिमपात हुने सम्भावाना

माघ २८,आज देशका पहाडी क्षेत्रका केही ठाउँमा पानी पर्ने मौसमविद्ले बताएका छन् । उच्च पहाडी तथा हिमाली जिल्लामा हल्कादेखि मध्यम खालको हिमपातको सम्भावना रहेको बताइएको छ ।

वाग्मती प्रदेश, गण्डकी प्रदेश र प्रदेश १ का पहाडी क्षेत्रका केही ठाउँमा पानी पर्ने सम्भावना रहेको  मौसमविद् निराजन सापकोटाले बताउनुभयो ।

अहिले नेपालमा पश्चिमी वायुको प्रभाव रहेको छ । अहिले सुदूरपश्चिम, कर्णाली प्रदेश, लुम्बिनी प्रदेश, गण्डकी प्रदेश लगायत प्रदेश नं १ र वाग्मती प्रदेशका पहाडी क्षेत्रको मौसम आँशिकदेखि समान्य बदली भएको मौसमविद्हरुले बताएका छन्  ।